9-njy Halkara dokma, taýýar eşik, tikinçilik pudagy üçin tehnologiýalar we önümler sergisi – «Fashion Prime», 2026-njy ýylyň 21–23-nji oktýabry aralygynda Türkiýäniň Izmir şäherinde geçiriler.

Bu abraýly işewürlik forumy Izmir şäher häkimliginiň howandarlygynda «İZFAŞ» kompaniýasy tarapyndan guralýar we bütin dünýäden öndürijiler hem-de alyjylar üçin iň möhüm söwda köprüsi bolup hyzmat edýär.

Serginiň maksatnamasynda esasy ekspozisiýadan başga-da, dizaýnerlere, atelýelere we iri lomaý-bölek satuw torlaryna göni eksport şertnamalaryny baglaşmaga mümkinçilik berýän B2B duşuşyklary göz öňünde tutulýar. Halkara gözden geçirilişiniň gatnaşyjylaryna we myhmanlaryna moda görkezilişleri, dizaýnerçilik ussatlyk sapaklary we işewürlik aragatnaşyk (networking) sessiýalary garaşýar.

Serginiň esasy bölümleri:

• Materiallar we furnitura: matalar, ýüplükler, sapaklar, ilikler, syrmalar we etiketkalar.
• Taýýar eşik: gündelik we işewür eşikleriň täze täjirçilik kolleksiýalary.
• Agşamky we toý modasy: adatça iň köp ünsi özüne çekýän aýratyn eksklýuziw segment.
• Tehnologiýalar: tikinçilik enjamlary, IT çözgütleri we degişli hyzmatlar.

Öňde boljak sergi barada has giňişleýin maglumat almak we hasaba alynmak üçin çäräniň resmi web-saýtyna girip bilersiňiz: fashionprime.izfas.com.tr.